⬅️ اول خطوة تسحب وثيقة وتعنونها الى الدراسات العليا / للكلية الي انت تريد تقدم عليها
⬅️ ثاني خطوة تحضر شهادات كفاءة الحاسوب والانكليزي و اللغة العربية
⬅️ ثالث خطوة راح يبدي التقديم على الدراسات قريبا ويستمر لمدة شهر
🟣ضوابط وشروط التقديم والقبول بالدراسات العليا داخل العراق
للعام الدراسي ٢٠٢٣/٢٠٢٢
وابرز ما ورد بها
1️⃣- يبدأ التقديم للدراسات بتاريخ ٢٠٢٢/٣/١
2️⃣- ينتهي التقديم بتاريخ ٢٠٢٢/٤/١٣
3️⃣- موعد الامتحان التنافسي للتخصصات العلمية ٢٠٢٢/٤/٢٥
4️⃣- موعد الامتحان التنافسي للتخصصات الانسانية ٢٠٢٢/٤/٢٦
تملي الاستمارات الخاصه بالتقديم على الماستر
( انت هنا تحضر المستمسكات كلهن + الوثيقة + صورة خلفية بيضاء حتى ترفقها بالاستمارة الالكترونية )
وبعد ترفع الصورة بمكانها
وتبدأ بادخال المعلومات
الاسم الرباعي واللقب
واسم الام والكلية والجامعة والقسم ونوع الدراسي ( صباحي او مسائي ) ونوع التعليم
ومن ثم تختار قناة التقديم (عام او خاص)
او على قنوات الشهداء.حسب الفئات
ومن ثم تختار الجامعة الي تريد تقدم عليها
وتختار الكلية وتختار القسم وتختار التخصص وراح تظهرلك عدد المقاعد العام وعدد مقاعد الخاص
وبعد ما تختار تبدء بأدخال الخلفية العلمية
وهي ( الشهادة الحاصل عليها - والمعدل - ومعدل الطالب الاول )
وتكمل بقية المعلومات ⬇️ ⬇️
⬅️ محل السكن - الزقاق والدار
⬅️ المحافظة والقضاء والناحية
⬅️ ورقم الهاتف - والايميل
وترجع تتأكد من المعلومات الي دخلتها حتى ما يكون عندك خطأ (يحقلك فتح الاستمارة مرة واحدة للتعديل)
وبعدها راح تقوم بارسال المعلومات
وراح تطلعلك شريط اخضر
مكتوب عليه (حفظ وتحميل الاستمارة) وتضغط عليه وراح تنزل الاستمارة
⬅️ انت لحد هسه مقدم على النت ومكمل
بعدها نجي نشرح شلون تروح للجامعة وتكمل اجراءات التقديم
اول خطوة بعد التقديم
⬅️ تسحب ٦ صور
تستنسخ المستمسكات
⬅️ تستنسخ الوثيقة
⬅️ تستنسخ شهادات الكفاءة كل وحدة نسخه
⬅️ تسحب استمارة التقديم وجه وظهر بورقة واحدة
⬅️ يعني تسحب الاستمارة وترجع تقلب الورقة وتسحبها ا
وتسحب استمارات ( التعهد واستمارة طلب المعلومات واذا كنت من ذوي الشهداء تسحب استمارات ذوي الشهداء)
⬅️ هسه صار عندك المستمسكات
⬅️ الوثيقة الاصلية + نسخه
⬅️ شهادات الكفاءة الاصلية + نسخه
⬅️ اضافة للصور
⬅️ والاستمارات نسخه
⬅️ استمارة ٥٠٠ و٥٠١ و٥٠٤ و٥٠٦ نسخه
⬅️ واذا كنت من ذوي الشهداء تسحب استمارات ذوي الشهداء
وهم كل استمارة نسخه
⬅️ تترس المعلومات كاملة
⬅️ وتشيل كل هاي الي حجينا عليها وتروح للجامعة وتروح اول شي
وتروح للدراسات العليا بعمادة الكلية
( او العمادات الاخرى ) وينطونك فايل
⬅️ تترس المعلومات وتسلمهم الفايل وبعد اسبوع من تسليمك للفايل والمستمسكات
ترجع تفتح رابط الاستمارة وتدخل الايميل والرمز وراح تطلعلك الاستمارة مالتك بيها ختم اخضر (دققت) تسحبها نسختين
ومن تروح للامتحان التنافسي تاخذها وياك
هاي دليل على انه انت مكمل كلشي
وباقي بس النجاح بالتنافسي .
الشرح منقول من د. رامي
ليست هناك تعليقات:
إرسال تعليق
جميع الردود تعبّرعن رأي كاتبيها فقط. حريّة التعبير عن الرأي والرد متاحة للجميع( بما لا يخل بالنظام العام والادب)